Túrkiianyń ońtústiginde biraz ýaqytqa sozylǵan aptap ystyqtan keiin nóser jaýyn jaýdy, dep habarlaidy "Ult aqparat" Anadoly agenttigine silteme jasap.
Búgin tańerteńnen beri Antaliianyń kei aýdandarynda jańbyr jaýyp ótti. Qala kósheleri men provintsiianyń jan-jaǵyn sý alyp ketti.
Uzaqqa sozylǵan ystyq pen qýańshylyqtan keiin qala turǵyndary tańǵy nóserge daiyn emes edi, sondyqtan tańerteń jumysqa bara jatyp, jaýyn astynda qalǵan halyq aialdamalardy panalaýǵa májbúr boldy.
Bir jaqsysy, bul jańbyr orman órti jalǵasyp jatqan aimaqtarda jaýdy. Órtten ábden qaljyrap, boiyn úrei jailaǵan halyq jaýynǵa kerisinshe qýandy.
Túrik meteorologtarynyń aitýynsha, óńirde aýa raiy bultty, taǵy nóser jaýýy yqtimal.
Keshke qarai Manavgat, Gúndoǵmýsh jáne Alaniia aýdandarynda jańbyr bolýy múmkin.
Erteńnen bastap aýa temperatýrasy qaitadan 38 gradýstan joǵary kóterilmek.
