21 jastaǵy oraldyq stýdent Eldar Ǵabdýllin bitbokstan onlain túrde AQSh-ta ótken halyqaralyq jarysta jeńimpaz atandy, - dep habarlaidy "Ult aqparat".
Chempionattyń barlyq úsh kezeńi onlain rejimde ótken. Eldar finalǵa usynǵan shyǵarmasyn jelidegi problemalarǵa bailanysty, birneshe ret qaitalap jazýǵa májbúr bolǵan. Biraq, bul oǵan kedergi bolmady. Birinshi oryn úshin oǵan 500 dollar aqshalai syilyq jáne kelesi chempionattarda qatysýshylardy baǵalaý múmkindigi berilgen.
Eldar bitboksty meńgerýdi YouTube kómegimen 2015 jyly, nebári 15 jasynda bastaǵan. Ol ata-anasy bastapqyda qarsy bolǵanyn, onyń ónerin endi ǵana qoldap, túsine bastaǵanyn aitty.
"Meniń mýzykalyq bilimim joq. Bala kezimnen birnársemen ainalysqym keldi. Bimen, vokalmen ainalystym. Biraq basqa dúnieni qalaitynymdy túsindim. Keiin oilamaǵan jerden YouTube-taǵy bitboksshylar videosyna tap boldym. Ol kezde bul salada Qazaqstanda eshkim joq edi. Men osy salada birinshi bolýdy oiladym. Osy oi maǵan motivatsiia berdi", - dedi ol.
Eldar - stýdent. Mamandyǵy - aǵylshyn tili muǵalimi. Sondai-aq, ol oqý ortalyǵynda sabaq beredi.
