Oralda tún ishinde jalǵan nómirmen júrgen júrgizýshi ustaldy, dep habarlaidy QazAqparat.
BQO politsiia departamentiniń baspasóz qyzmeti málim etkenindei, oqiǵa 8 qyrkúiek kúni saǵat 00.30-da «Qaýipsiz jol» jedel aldyn alý is-sharasy barysynda tirkeldi.
H.Dospanova men F.Neýsypov kósheleriniń qiylysynda KIA Sportage avtokóligi toqtatyldy.
Qujattardy tekserý kezinde avtokóliktiń memlekettik tirkeý nómiri belgileriniń jalǵan ekendigi anyqtaldy.
Soǵan sáikes QR Ákimshilik quqyqbuzýshylyq kodeksi 590-baby 3-bóligi jáne 4-bóligine (kólik quralyna kórineý jalǵan nemese qoldan jasalǵan memlekettik tirkeý nómiri belgilerin ornatý jáne sol kólik quralyn basqarý) sáikes hattama toltyryldy.
Sonymen qatar júrgizýshiniń meditsinalyq kýálandyrýdan bas tartqany úshin atalmysh kodekstiń 613-baby 4-bóligine (ishki ister organy qyzmetkeriniń talaptaryn oryndamaý, alkogoldik, esirtkilik jáne ýytqumarlyq masań kúiin kýálandyrýdan ótýden jaltarý) sáikes taǵy bir hattama toltyryldy.
Avtokólik arnaiy turaqqa qoiyldy.
