Oralda toǵyz qabatty úidiń shatyrynda oinap júrgen balalar videoǵa túsip qaldy, dep habarlaidy "Ult aqparat".
BQO politsiia departamentiniń baspasóz qyzmeti málim etkenindei, oqiǵa Zachagan kenti Murat Móńkeuly kóshesi 83/2-úide bolǵan.
Áleýmettik jelide kishkentai balalardyń úidiń shatyrynda ata-analardyń qaraýynsyz oinap júrgeni týraly aqparat jariialandy.
Videony ýchaskelik politsiia inspektorlary tekserip, balalar men olardyń ata-analary kim ekendigin anyqtady. Olarmen túsindirý jumystary júrgizildi. PIK-ter tóraǵalaryna shatyrǵa shyǵatyn qaqpa-esikterdiń bárin jaýyp qoiý jóninde eskertildi.
Politsiia qyzmetkerleri bul máseleni aldaǵy ýaqytta da nazarda ustaityn bolady.
Oralda qys kezinde de osyndai oqiǵa bolyp, onda balalardyń kim ekendigi anyqtalmaǵan edi.
«Qazir jaz kezi, balalardyń dalaǵa kóbirek shyǵatyn ýaqyty. Sondyqtan ata-analardan perzentterinen kóz jazbai, baqylaýdy suraimyz», dedi departamenttiń baspasóz qyzmeti.
