Oralda «Tuǵyry biik Táýelsizdik» atty VIII «Altyn dombyra» respýblikalyq aqyndar aitysy márege jetti, dep habarlaidy "Ult aqparat".
Belgili aqyn, halyqaralyq aitys aqyndary men jyrshy-termeshiler odaǵynyń basqarma tóraǵasy Júrsin Erman júrgizgen dodanyń finalynda on aqyn óner kórsetti.
Sahnaǵa birinshi bolyp shyqqan qaraǵandylyq Ómirjan Kópbosynov almatylyq Qanat Myrzahannan basym tústi.
Batysqazaqstandyq Jansaia Mýsina túbi semeilik, qazir Almatyda turatyn Rústem Qaiyrtaiǵa jol berdi.
Taǵy bir almatylyq Qaziret Berdihan qarsylasy, pavlodarlyq Aspanbek Shuǵataevtan góri joǵary ball aldy.
«Altyn dombyranyń» eki márte iegeri, qyzylordalyq Muhtar Niiazov batysqazaqstandyq Baýyrjan Shirmedinulynyń aldyn orap ketti.
Aitystyń aqtańgeri, Arqalyq qalasynyń ókili Aibek Qaliev nursultandyq Ásem Erejeqyzyn jeńdi.
Osy toptyń ortasynan sýyrylyp, alǵa shyqqan Muhtar Niiazov pen Rústem Qaiyrtai sýperfinalda kúsh synasty. Qos qurdas eldik pen dostyqtyń týyn joǵary kótere bildi.
Qazylar alqasynyń sheshimimen «Altyn dombyramen» birge bas júlde (4 mln teńge) Rústem Qaiyrtaiǵa berildi.
Muhtar Niiazov birinshi júldege (2 mln teńge) qosa «Aitystyń aqtańgeri» ataǵyna ie boldy.
Jansaia Mýsina men Qaziret Berdihan ekinshi (1 mln teńgeden) , Aibek Qaliev pen Ómirjan Kópbosynov úshinshi (700 myń teńgeden) orynǵa kóterilse, Aspanbek Shuǵataev, Ásem Erejeqyzy, Qanat Myrzahanǵa arnaiy júlde (350 myń teńgeden) berildi.
Aitys metsenaty Dýlat Tastekeev belgilegen bir jyldyq stipendiia (2,4 mln teńge) Baýyrjan Shirmedinulyna buiyrdy. Sondai-aq kásipker qaraǵandylyq Didar Qamievke at mingizdi. Basqa qatysýshylar shabyttandyrý syilyqtarymen qaitty.
Júldelerdi QR mádeniet jáne sport vitse-ministri Nurǵisa Dáýeshov, «Nur Otan» partiiasynyń hatshysy Ǵabidolla Ospanqulov, Batys Qazaqstan oblysynyń ákimi Ǵali Esqaliev jáne aqyn, Memlekettik syilyqtyń iegeri Nesipbek Aituly tóraǵalyq etken qazylar alqasy tapsyrdy.
