Oral áýejaiynyń ǵimaraty 6,6 mlrd teńgege qaitadan jańartylmaq, dep habarlaidy "Ult aqparat".
BQO qurylys basqarmasynyń basshysy Álibek Antazievtiń aitýynsha, «QPO b.v.» kompaniiasy arqyly áleýmettik investitsiialar jobasy aiasynda qurylys-montaj jumystary bastaldy.
Onyń sózine qaraǵanda, joba boiynsha terminal alańy 4 myńnan 10 myń sharshy metrge deiin ulǵaitylady.
Sondai-aq syrtqy injenerlik jeliler tartylyp, irgeles aýmaqty abattandyrý, avtoturaq uiymdastyrý jumystary júrgiziledi. Aerovokzal terminalynyń tehnologiialyq jabdyqtary halyqaralyq standarttar men shekaralyq jáne kedendik talaptarǵa sáikes jańǵyrtylady.
«Qurylys-montaj jumystaryn jyl sońynda aiaqtaý kózdelip otyr. Qurylys quny – 6,6 mlrd teńge», dedi Á.Antaziev.
Eske sala keteiik, budan buryn «Nurly jer» baǵdarlamasy aiasynda BQO-da 9 kópqabatty turǵyn úi salynatynyn jazǵan bolatynbyz.
