Ózbekstanda COVID-19 virýsyna qarsy vaktsinalaýdan keiin birde-bir ólim oqiǵasy nemese aýyr janama áseri tirkelgen joq. Bul týraly brifing kezinde Ózbekstan Respýblikasynyń koronavirýsqa qarsy kúres shtabynyń múshesi Sevara Ýbaidýllaeva málim etti, dep habarlaidy QazAqparat.
Ministrlik ókili áleýmettik jelilerde koronavirýske qarsy ekpe saldyrtqannan keiin oryn alǵan ólim nemese densaýlyq nasharlaý oqiǵalary týraly taralǵan habarlamalarǵa qatysty túsiniktemesin berdi.
«Áleýmettik jelilerde «Ol vaktsina saldyrtqan soń qaitys boldy» nemese «Onyń jaǵdaiy vaktsina saldarynan nasharlaǵan» atymen salynǵan beineúndeýlerdi zerttegen arnaiy jumys toptary qurylǵan. Zertteý qorytyndysy janama áserlerdiń birde bireýiniń vaktsinaǵa qatysy joq ekenin rastady. Búginde Ózbekstanda COVID-19 virýsyna qarsy vaktsinalardan birde bir ólim oqiǵasy nemese kúrdeli janama áser alý tirkelgen joq», - dep málimdedi S.Ýbaidýllaeva.
Maman vaktsinalar nusqaýlyqtarynda janama áser tizimi jazylǵanyn, sonyń ishinde ekpe saldyrtqannan keiin bir saǵattyń ishinde paida bolatyn túrli allergiialyq reaktsiialar bar ekenin atap ótti.
«Ekpe saldyrtýǵa qarsy kórsetilimi bar patsientterge vaktsina salynbaidy. Patsientterge ekpe saldyrtqannan keiin belgili bir ýaqyt meditsinalyq mekemede kúte turý keńes etiledi. Anafilaksiialyq shok nemese aýyr alllergiialyq áser paida bolǵan jaǵdaida dárigerler dereý kómek kórsete alady. Janama áserlerdiń kóbi jeńil ótedi, bul vaktsinanyń patsientterdiń immýndyq júiesin rettep jumys isteitinin bildirtedi», - dep atap ótti spiker.
Eske sala ketsek, Ózbekstanda ekpe naýqany 1 cáýirde bastalǵan. Vaktsinalaý tórt preparatpen júzege asyrylýda: eýropalyq AstraZeneca, qytai-ózbek ZF-UZ-VAC2001, reseilik «Spýtnik-V» jáne 1 tamyzdan bastap amerikandyq Moderna vaktsinasy. Ekpe naýqany bastalǵaly 2 million ózbekstandyq azamat koronavirýsqa qarsy vaktsinalaýdyq tolyq kýrsyn ótti.
