Koronavirýs infektsiiasymen kúres júrgizýdiń joǵary baǵasyn alǵan Ońtústik Koreiada qoǵamdyq jerlerde maska taqpaǵan adamdar endi 100 000 von nemese 90 dollar kóleminde aiyppul tóleidi, dep habarlaidy Yonhap agenttigi.
Jańa talap 13 qarashadan bastap engiziledi. Bul eń aldymen maska taqpaýdy tańdaǵan nemese ony durys taqpaǵandarǵa qatysty bolmaq. Maskany mindetti túrde taǵýdan 14 jastan kishi balalar men maskany ózdiginen taǵa almaityn densaýlyǵynda problemalary bar adamdar bosatylǵan.
Sondai-aq, keibir jaǵdaida, dálirek aitqanda tamaq nemese sý ishý kezinde, bassein nemese haýyz ishinde júrgende, sondai-aq identifikatsiia kezinde maska rejimin saqtaý mindetti emes ekeni aityldy.
Saiabaq, velosiped tebý jáne taýǵa órmeleý kezinde 2 metr qashyqtyqtyń saqtalýy jaǵdaiynda maska taǵý mindetti emes.
