Ońtústik Koreiada jabaiy qustar arasynda qus tumaýynyń oshaǵy anyqtaldy. Bul jaǵdai eldegi qus fabrikalaryna indet juqtyrý qaýpin týdyryp otyr, dep habarlaidy QazAqparat YONHAP agenttigine silteme jasap.
Ońtústik Koreianyń aýyl sharýashylyǵy ministrliginiń málimetinshe, aýrýǵa shaldyǵýdyń sońǵy oqiǵasy Ońtústik Chhýnchhon provintsiiasyndaǵy Chhonan ortalyq qalasynan anyqtalǵan. Bul aǵymdaǵy jyldyń 30 naýryzynan beri qus tumaýyna shaldyǵýdyń birinshi oqiǵasy boldy.
Ministrlik elde eskertý deńgeiin joǵary qyzyl belgige deiin kóterip, karantin jáne qaýipsizdik sharalaryn engizdi. Virýs juqtyrý anyqtalǵan jer 500 metr radiýsta qorshalyp, jaqyn ornalasqan fermalarǵa 21 kún boiy kirýge jáne odan shyǵýǵa shekteý qoiyldy.
«Bul – biylǵy maýsymda rastalǵa alǵashqy jaǵdai. Virýsqa qarsy sharalar qatań saqtalýy tiis», - dedi ministrlik ókili.
