Ońtústik Koreiada koronavirýsqa shaldyǵý jaǵdailary ekinshi kún qatarynan 2400-den joǵary boldy. Buǵan eldiń «COVID-19-ben ómir» kestesine sáikes virýstyq shekteýlerdi alyp tastaýy sebep bolǵan, dep habarlaidy QazAqparat YONHAP agenttigine silteme jasap.
Koreianyń aýrýlardy qadaǵalaý jáne aldyn alý agenttiginiń (KDCA) habarlamasyna qaraǵanda, COVID-19 virýsyna shaldyǵýdyń 2482 jańa jaǵdaiy tirkelgen. Osymen aýrýǵa shaldyqqandardyń jalpy sany 373 120 adamǵa jetti.
On aidyń ishinde qaýipti virýstan qaitys bolǵandar sany 24 adamdy qurady, al jalpy sany 2916 adamǵa jetti. Bul – 12 qańtardan beri tirkelgen eń joǵary kórsetkish. Ol kezde COVID-19 virýsynan 25 adam kóz jumǵan edi. Ólim kórsetkishi 0,78 paiyzdy quraǵan bolatyn.
