© Sputnik / Timýr Batyrshin
Ońtústik Koreiada bosqyn mártebesin berý týraly jalǵan ótinish bergen úsh qazaqstandyq ustaldy. Bul týraly Syrtqy ister ministrliginiń resmi ókili málim etti, - dep habarlaidy Tengrinews.kz.
"Koreia Respýblikasynyń immigratsiialyq organdary málimetinshe, 12 aqpanda Qazaqstannyń úsh azamaty ustaldy. Olardyń ekeýi qamaýǵa alyndy, al úshinshisi elden shyqpaý týraly kepilmen bosatyldy. Bul másele boiynsha qylmystyq is jergilikti prokýratýraǵa joldandy, azamattar áleýmettik jeliler arqyly bosqyn mártebesin berý týraly ótinishter týraly jalǵan siýjetter jasap, sheteldikterge, onyń ishinde Qazaqstan azamattaryna jalǵan qujat daiyndaǵan degen kúdikke ilindi", - dedi QR SIM resmi ókili Aibek Smadiiarov.
Vedomstvo málimetinshe, tergeý qazaqstandyqtardyń Koreiada turatyn birqatar sheteldikterge bosqyn mártebesin alý týraly jalǵan ótinish bergenin anyqtaǵan.
"Koreianyń "Jeke derekterdi qorǵaý týraly" zańyna sáikes Ońtústik Koreianyń quqyq qorǵaý organdary Qazaqstan elshiligine ustalǵandar týraly jeke málimetter men basqa da aqparatty berýden bas tartty. Óz kezeginde, ustalǵan Qazaqstan azamattary Seýldegi elshiligimizge júginbegen jáne elshilik qyzmetkerlerine aqparat berýge múddeli emes", - dedi Smadiiarov.
