6 qyrkúiek kúngi saǵat 9:00-degi jaǵdai boiynsha 302159 respondent onlain sanaqtan ótti. Olardyń 271066-sy sanaq.gov.kz saitynda, 25669 Egov portalyndaǵy sait siltemesin paidalana otyryp jaýap berse, 5424 adam sanaqqa Aitu qosymshasy arqyly qatysty, dep habarlaidy "Ult aqparat" Ulttyq statistika biýrosynyń baspasóz qyzmetine silteme jasap.
Alǵashqy bes kúnniń qorytyndysymen megapolister alǵa shyǵyp otyr. 46480 astanalyq turǵyn sanaqtan ótkeni jaily habarlama alǵan. Onlain sanaqtan ótken taǵy 43690 adam Almatyda tirkelgen. Úzdik úshtikti Shymkent túiindedi. Munda 40791 adam sanaq saýaldaryna jaýap berdi.
Bul kórsetkish boiynsha ázirge sońǵy eki oryndy Mańǵystaý jáne Atyraý oblystary enshilep tur. Bul óńirlerde sáikesinshe 3350 jáne 2542 adam sanaqtan ótipti.
Azamattardan sanaq kezinde alynǵan barlyq aqparattar Ulttyq statistika biýrosynyń ortalyq serverine jiberiledi.
USB-nyń aqparattyq júiesi aqparattyq-kommýnikatsiialyq infraqurylymdardyń asa mańyzdy nysandarynyń tizimine engizilgen jáne QR UQK «Memlekettik tehnikalyq qyzmet» AQ-nyń taldaýyna alynǵan. Sondai-aq, sanaq qarsańynda aqparattyq júieniń aqparattyq qaýipsizdik talaptaryna sáikestigi synaqtan ótkizilip, ol boiynsha oń nátije alynǵan bolatyn.
Arnaiy sanag.gov.kz saitynyń qorǵanyshy retinde server men qoldanýshy arasyndaǵy aqparat almasý https hattamasymen qorǵalǵan, álemdegi iri sertifikattaý ortalyqtarynyń biri - Sectigo SSL-sertifikaty alyndy.
Ulttyq statistika biýrosy azamattardyń belsendiligi úshin alǵys aita otyryp, sanaqty onlain ótýge shaqyrady. sanaq.gov.kz saity 15 qazanǵa deiin táýlik boiy qoljetimdi bolmaq. Onlain sanaqtan ótpegender 1-30 qazan aralyǵynda interviýerlerdiń saýaldaryna jaýap bere alady. Barlyq saýaldar boiynsha 1446 bailanys ortalyǵyna habarlasýǵa bolady. Qońyraý shalý tegin.
