Onlain sanaqtan ótkenderdiń qatary millionnan asty. Bul týraly Ulttyq statistika biýrosynyń basshysy Nurbolat Aidapkelov málimdedi, dep habarlaidy QazAqparat.
«Qazirgi ýaqytta sanaqtan ótkender sany boiynsha eki megapolis, iaǵni Almaty men Nur-Sultan qalalary alda. Al Soltústik Qazaqstan jáne Atyraý oblystary bul kórsetkish boiynsha sońǵy orynda»,- dedi N. Aidapkelov.
Qazirgi ýaqytta respondentterge sanaqtan onlain rejimde ótý úshin birneshe platforma qarastyrylǵan: sanaq.gov.kz saity, E-Gov portalynda tirkelý jáne Aitu mobildi qosymshasy. Azamattardyń yńǵailylyǵy úshin sanaq buryshtary uiymdastyryldy.
«Aýmaqtyq statistika departamentterinde, Halyqqa qyzmet kórsetý ortalyqtarynda, Kazpochta filialdary jáne iri saýda ortalyqtarynda sanaq buryshy qarastyrylǵan. Ol jerde respondentterge sanaqtan onlain rejimde ótýge bizdiń konsýltanttar kómek berýde», - dep atap ótti biýro basshysy.
Ulttyq statistika biýrosy azamattardyń belsendiligi úshin alǵys aita otyryp, sanaqty onlain ótýge shaqyrady. sanaq.gov.kz saity 15 qazanǵa deiin táýlik boiy qoljetimdi bolmaq. Onlain sanaqtan ótpegender 1-30 qazan aralyǵynda interviýerlerdiń saýaldaryna jaýap bere alady. Barlyq saýaldar boiynsha 1446 bailanys ortalyǵyna habarlasýǵa bolady.
