Búginde elimizde onlain sanaq ótip jatyr. QR Ulttyq statistikanyń búgin bergen málimetine sáikes 2 mln-nan astam qazaqstandyq sanaqtan onlain ótti. Osy oraida sanaqqa qatysýshy neni bilýi kerek jáne suraq týyndaǵanda qaida habarlasýǵa bolady? Atalǵan saýaldarǵa «Halyq sanaǵy-2021» resmi ókili. Oljas Sailaýbekuly jaýap berdi, dep habarlaidy QazAqparat tilshisi.
«Onlain sanaqtan ótkende qatysýshy ózimen qatar otbasy múshelerin de tirkei alady. Iaǵni otbasynyń ár múshesiniń jeke tirkelýiniń qajeti joq. Bul yńǵaily ári kóp ýaqyt almaidy. Búkil otbasy múshelerine qatysty tiisti málimetterdi tirkegen soń sanaqtyń qorytyndysy habarlama túrinde keledi. Búginde onlain sanaq qarqyndy túrde júrip jatyr jáne eshqandai zań buzýshylyq oqiǵasy tirkelgen emes», - dedi Oljas Sailaýbekuly.
Onyń aitýynsha, 1 qazannan bastap sanaq jumysyna interviýerler kirisedi.
«Bizde 1446 bailanys ortalyǵy jumys isteidi. Azamattar Call ortalyqqa habarlasyp ózin tolǵandyrǵan suraqtarǵa jaýap alady. Habarlasý tegin jáne ortalyq táýlik boiy jumys isteidi. Ortalyqqa osy ýaqytqa deiin habarlasqan azamattar kóbinese onlain sanaqtan ótý protsesi men tirkelýge qatysty suraidy. Óz kezeginde bizdiń mamandar barlyq suraqtarǵa jaýap beredi», - deidi ol.
Sondai-aq, resmi ókil sanaq saýalnamasyna toqtalyp ótti. Málimdeýinshe ondaǵy suraqtar halyq talqysynan ótken.
«Suraqtar elimizde 2009 jyly ótken sanaq saýalnamasynyń negizinde qurastyryldy. Sondai-aq, onyń ishinde memlekettik quzyrly organdardyń usynysy boiynsha engizilgen suraqtar da bar. Odan bólek, halyqaralyq uiymdardyń da pikir, usynysy eskerildi. Atap aitqanda, Eýropalyq statister konferentsiiasy jáne Vashington toby sekildi syrt uiymdar. Sonymen qatar biylǵy onlain sanaqtyń saýaldary Ashyq NQA alańyna jariialanyp, halyq talqysynan ótip, memlekettik organdarmen kelisilgen», - dedi O. Sailaýbekuly.
