Barlyq makroekonomikalyq kórsetkishter boiynsha oblysta oń dinamika qalyptasyp otyr. Óńdeý ónerkásibinde ósim bar. Indýstriialandyrý baǵdarlamasy aiasynda oblys ekonomikasyn ártaraptandyrý jalǵasyp keledi. Sonyń arqasynda júzege asyrylǵan 22 jobanyń 16-sy búginde tolyq qýatynda iske qosyldy.
Jyl basynan beri iske qosylǵan jobalar boiynsha 11,2 mlrd teńgeniń ónimin óndirilip, tabys ótken jyldyń uqsas kezeńimen salystyrǵanda 30,2 paiyzǵa ósti. Onyń ishinde, óńdeý ónerkásibinde 7,7 mlrd teńgeniń ónimi óndirilip, ótken jyldyń uqsas kezeńimen salystyrǵanda 40 paiyzǵa artty. Indýstriialandyrý baǵdarlamasy aiasynda oblysta qazirgi tańda 6,2 myń jumys ornyn quratyn, jalpy quny 620 mlrd teńgelik 26 jobany júzege asyrylýda. Biyl jyl sońyna deiin úsh iri kásiporyndy iske qosý josparlanyp otyr.
– Oblysta tirkelgen kásipkerlik nysany sany – 51753. Biyl oblysta jappai kásipkerlikti damytýdyń jol kartasyn júzege asyrýǵa bólingen 32 mlrd teńge qarjynyń 3 mlrd teńgeden astamy «Startap» jobalaryna baǵyttaldy. Munan bólek, «Nátijeli jumyspen qamtýdy jáne jappai kásipkerlikti damytý» baǵdarlamasy sheńberinde mikokreditter berý máselesine nazar aýdarylyp, 224 joba jalpy quny 200 mln teńge grantqa ie boldy. Búginge deiin «Bastaý-Biznes» jobasy boiynsha 796 adam oqý kýrsynan ótip onyń 704-i biznes jobalaryn qorǵap shyqty, – dedi oblys ákiminiń orynbasary Evgenii Kim óńirlik kommýnikatsiialar qyzmetinde.
Oblys ákiminiń orynbasary kásipkerlikti qoldaý taǵy da eki jylǵa uzartylyp otyrǵanyn jetkizdi. Biznes ókilderine qolaily jaǵdai jasaý, kedergini azaitý jalǵasa beredi. Sonymen qatar, týristik indýstriia salasynda kásipkerlikti damytý maqsatynda Qyzylorda týristik assotsiatsiiasy qurylyp otyr. Qazaqstandyq týristik assotsiatsiianyń kelisimimen bizdiń oblystan 15 týristik marshrýt bekitildi. Jyl basynan beri Qyzylorda oblysyna kelgen týrister sany 12 myń adamnan asty. Búginde oblysta 90 qonaq úi, 2 sanatorii, 41 demalys orny, 9 balalardy saýyqtyrý lagerleri bar. Tek sońǵy bes jylda oblysta 33 qonaq úi paidalanýǵa berilgen.
Biýdjet qarjysyn únemdeýge memlekettik-jeke menshik áriptestik oń áserin tigizgen. Bul baǵytta 75 joba júzege asyrylýda. Olardyń qurylysyna salynatyn investitsiia kólemi 30 mlrd teńgeden asady. Qazirgi kúni memlekettik jeke áriptestik boiynsha 18 joba boiynsha kelisimderge qol qoiylǵan.
Sondai-aq, «Tsifrly Qazaqstan» memlekettik baǵdarlamasy jáne «Smart city» kontseptsiiasy sheńberinde biyl Syr óńirinde tsifrlandyrý boiynsha jalpy quny 2,4 mlrd teńgeni quraityn 37 joba iske asyrylý ústinde. Bul jobalar 8 baǵytty quraǵanmen bilim berý, densaýlyq saqtaý, kólik qatynasy men turǵyn úi-kommýnaldyq sharýashylyǵy jáne adamdardyń qaýipsizdigi basym baǵyttarǵa ie bolady.
Mysaly, oblystyń barlyq meditsinalyq uiymdary keshendi meditsinalyq aqparattyq júiesine qosylyp, patsientterdi qabyldaý «Damýmed» mobildik qosymshasy arqyly júzege asyrylady. Osy jylǵy 1 shildeden bastap meditsinalyq uiymdardy «qaǵazsyz qujat ainalymǵa» kóshirý boiynsha jumystar bastaldy. Bolashaqta oblys turǵyny respýblikanyń qai túkpirinde júrse de elektrondy meditsinalyq kartasymen dárigerge kórine alady. Sol sekildi sábi dúniege kelgennen úige shyǵarǵansha oǵan týý týraly kýálik, balabaqsha kezegine qoiý jáne áleýmettik járdemaqy berý jónindegi qujattar daiyn turatyn bolady.
