Maqtaaral aýdanyndaǵy tótenshe jaǵdaidan zardap shekken aýyl turǵyndaryna baspana salý úshin memleket tarapynan berilgen 17 mln teńgeniń 50 paiyzy tolyq aýdarylǵan. Bul týraly "Ult aqparat" ákimdiktiń baspasóz qyzmetine silteme jasap habarlaidy.
Maqtaaral aýdanyndaǵy tótenshe jaǵdaidan zardap shekken aýyl turǵyndaryna baspana salý úshin memleket tarapynan berilgen 17 mln teńgeniń 50 paiyzy tolyq aýdarylǵan. Aýyl turǵyndary ekinshi transh boiynsha qalǵan qarajattyń 25% -na qujat ótkizip, qarjy ala bastady.
Túrkistan oblysynyń ákimi Ómirzaq Shókeevpen kezdesken aýyl turǵyndary jumystyń toqtaýsyz júrip jatqany úshin alǵys aitty.
Budan bólek, topan sýdyń zardabyn kórgen barlyq otbasyǵa kásipker Álisher Ýsmanovtyń qory esebinen árbir januiaǵa 425 myń teńgeden (1000 AQSh dollarynan) berilgen.
Sondai-aq, otbasynyń ár múshesi memleket tarapynan 100 myń teńgeden qarjylai kómek aldy.
Túrkistan oblysynyń ákimi kezekti ret Maqtaaralǵa jumys saparymen kelip, Órgebas jáne Firdoýsi aýyldaryn qalpyna keltirý jumystarynyń barysyn baqylady. Myrzakent kentindegi jańa móltek aýdanynda júrgizilip jatqan qurylys jumystaryn tekserdi. Salynyp jatqan áleýmettik nysandardy aralady. Tynymsyz júrgizilip jatqan jumystardy teksergen oblys basshysy mobildi top jumysynyń tiimdiligine oń baǵa berdi.
