Túrkistan oblysynyń ákimi Ómirzaq Shókeev Saryaǵash aýdanyna arnaiy jumys saparmen baryp, birqatar aýyl sharýashylyǵy nysandaryndaǵy atqarylyp jatqan jumystarmen tanysty, dep habarlaidy "Ult aqparat".
Óńir basshysy aldymen Qurkeles aýyldyq okrýginde ornalasqan «Abdraman» sharýa qojalyǵyn aralap kórdi. Sharýashylyqtyń jumysymen tanysqan oblys ákimi aýdanda jylyjailarda qulpynai sharýashylyǵyn damytý boiynsha seminarlar uiymdastyrý kerektigin atap ótti. Oǵan jergilikti ákimdik tarapynan tiisti sharalardy qolǵa alýdy tapsyrdy. Munan soń Ómirzaq Shókeev Darbaza aýyldyq okrýginde ornalasqan asyl tuqymdy mal sharýashylyǵy jáne sút óndirýmen ainalysatyn «Firma Saken» jaýapkershiligi shekteýli seriktestigine aialdady.
Búginde atalǵan qojalyqtyń menshiginde 1600-ge jýyq gektar jeri bar jáne mekeme jylyna 720 tonna sút óndirýge qaýqarly. Ozyq zamanaýi tehnologiiamen jumys isteitin seriktestiktiń ieliginde 600-ge jýyq iri qara maly, 2 myńnan astam ýaq mal bar. Sondai-aq, aimaq basshysy «Qaplanbek» aýyldyq okrýginde ornalasqan «Jabaiy ata» sharýa qojalyǵynyń da jumys barysymen tanysty. 1,8 mlrd. teńge bolatyn joba 2009 jyly júzege asyrylǵan. Qojalyq jylyna 4 200 tonna ónim óndirip, Nur-Sultan, Almaty qalalaryna jáne Soltústik oblystarǵa, Reseige jóneltip keledi. Sonymen qatar, oblys basshysy Qaplanbek oqý tájiribe sharýashylyǵy aýmaǵynan boi kóterip jatqan kópqabatty turǵyn úilerdiń qurylys jumystarymen tanysty. Munda 5 qabatty 45 páterli 13 turǵyn úi salynyp jatyr. Ótken jyly bastaý alǵan qurylys biyl aiaqtalyp paidalanýǵa beriledi dep josparlanýda. Aýdannyń birqatar nysandaryn aralap shyqqan oblys ákimi jergilikti bilik ókilderine birqatar tapsyrmalar júktedi. Sonyń biri aýdan aýmaǵyndaǵy tazalalanǵan sý arnalaryna tiisti taldaýlar jasap, tazalaý nátijesinde shyqqan qoqystardy shyǵaryp tastaý boldy.
Sondai-aq, óńir basshysy aýdan aýmaǵynan aǵyp ótetin «Keles» ózeniniń boiyndaǵy apatty jerlerdi anyqtaýdy mindettedi. Ózen arnasyn tiktep, nyǵaitý jumystaryn uiymdastyrýdy qamtamasyz etý kerek ekenin aitty. Odan bólek, aýdany aýmaǵyndaǵy Respýblikalyq, oblystyq mańyzy bar avtomobil joldaryna taldaý jasap, respýblikalyq, oblystyq avtojoldaryna jóndeý jumystary júrgizýdi de júktedi.
Eń bastysy, aýdanda jańadan salynyp jatqan kópqabatty úilerdiń infraqurylym máselesin tezdetip sheshý kerektigin atap ótti.
