Elordada «Jomart júrek» baiqaýynyń laýreattaryn saltanatty marapattaý rásimi ótti, dep habarlaidy "Ult aqparat".
«Jomart júrek» syilyǵy «Rýhani jańǵyrý» baǵdarlamasynyń aiasynda QR Aqparat jáne qoǵamdyq damý ministrligi uiymdastyrǵan biregei joba. Syilyqtyń negizgi maqsaty – qaiyrymdylyq qyzmet ideialaryn, metsenattyqty jáne filantropiiany nasihattaý. Syilyqty tapsyrý rásimine týǵan jerin, ósken ólkesin damytýǵa qatysqany úshin biznes-qurylymdardyń, ÚEU, eriktiler men qaiyrymdylyq kómek kórsetýshiler arasynan 50 ókil marapattaldy», delingen habarlamada.
Syilyq «Jyl metsenaty», «Jyl tulǵasy», «Týǵan ólke», «Eren erligi», «Úzdik uiym» atalymdary boiynsha tabys etildi.
Týǵan ólkesinde iri áleýmettik jobalardy iske asyrǵany úshin, az qamtylǵan, kóp balaly otbasylarǵa, jetim balalarǵa jáne ata-anasynyń qamqorlyǵynsyz qalǵan balalarǵa, múgedekterge, UOS ardagerlerine, zeinetkerlerge óteýsiz kómek kórsetkeni úshin «Jyl metsenaty» nominatsiiasy boiynsha «Gaz stroy montazh KZ» JShS quryltaishysy (Atyraý oblysy) Erlan Tabyldiev marapattaldy.
Erlan Tabyldiev 2019 jyly Atyraý qalasyndaǵy «Munaishy» stadionyn tolyǵymen jańartyp, jastarǵa arnalǵan skeit parkin saldy. Sonymen qatar, az qamtylǵan otbasynan shyqqan eki stýdent úshin H. Dosmuhamedov atyndaǵy Atyraý memlekettik ýniversitetinde tegin bilim alýǵa jaǵdai jasady.
«Zenchenko i K» sharýa qojalyǵynyń direktory (Soltústik Qazaqstan oblysy) Zenchenko Gennadii da osy nominatsiiada jeńimpaz atandy.
Gennadii Zenchenko «Ajar» balabaqshasyna demeýshilik kómek kórsetti (bólmeni jóndeý, jihaz ben kafel plitkalaryn ishinara aýystyrý). Demeýshilik qarajat esebinen aýyldyq okrýgtiń barlyq mektepterinde jóndeý jumystary júrgizildi. Jyl sońyna deiin Novonikolskoe aýylyndaǵy Mádeniet úii qaita jańartylady.
«Jyl tulǵasy» nominatsiiasy boiynsha belsendi azamattyq ustanymy, túrli baǵyttaǵy keń aýqymdy qaiyrymdylyq qyzmeti úshin Jambyl oblysynyń paralimpiadalyq chempiony Zúlfiia Ǵabidýllina jeńimpaz atandy.
Zúlfiia júzý boiynsha halyqaralyq deńgeidegi sport sheberi. Óz esebinen kóp balaly, az qamtylǵan otbasylarǵa qaiyrymdylyq kómek kórsetedi. Biyl «Týǵan jer» baǵdarlamasy aiasynda Taraz qalasynyń «Jansaia» shaǵyn aýdanynda basketbol, shaǵyn fýtbol jáne basqa da sport túrlerimen ainalysýǵa arnalǵan alań salyndy.
Sonymen qatar, osy nominatsiiada anesteziolog-dáriger, kásipker, «Emodji» áleýmettik kafesiniń iesi Azamat Bazylov jeńimpaz atandy.
Azamat 15 qulaǵy nashar estitin adamdy jumyspen qamtyp, «Emodji» áleýmettik kafesin ashty. Búgin bul kafe Nur-sultan qalasynyń turǵyndary arasynda tanymal. Kelýshiler dámhana qyzmetimen qatar usynylatyn ónimderdiń sapasyna óte riza.
Eldi mekenderdi abattandyrýǵa, saiabaqtardy, alleialardy, eskertkishterdi, balalardyń oiyn alańdaryn qaita jańartýǵa jáne salýǵa, Densaýlyq saqtaý, mádeniet, bilim berý jáne sport salasynda «Týǵan ólke» nominatsiiasy boiynsha demeýshilik kómek kórsetýge baǵyttalǵan áleýmettik jobalardy iske asyrǵany úshin jeńimpazdardyń biri «Almaty menedjment ýniversiteti» QB prezidenti, Qazaqstannyń Azamattyq aliansynyń prezidenti Asylbek Qojahmetov boldy.
Asylbek Qazaqstandaǵy alǵashqy biznes-mektep - 1988 jyly ashylyp, keiinnen Halyqaralyq biznes akademiiasy bolyp qaita qurylǵan Almaty menedjment mektebiniń negizin qalaýshylardyń biri. 2008-2012 jyldary Eduniversal álemdik reiting agenttigi akademiiany Qazaqstandaǵy № 1 biznes-joǵary oqý orny dep tanydy, 2014 jyly Eduniversal reitinginde 4 palma tarmaǵyn alyp, álemniń úzdik 300 biznes-joǵary oqý oryndarynyń qataryna endi jáne 2017 jyly reitingidegi pozitsiiasyn rastady.
Sondai-aq osy nominatsiiada Mańǵystaý oblysynyń kásipkeri Nurjan Edilov jeńimpaz atandy.
Nurjan, jeke kásipker, Jańaózen qalasynyń Rahat aýylynda 295 mln teńge somasyna sport keshenin saldy.
Áleýmettik mańyzy bar jobalardy, qaiyrymdylyq jobalardy tiimdi iske asyrýda, qaiyrymdylyq kómektiń jańa tiimdi nysandaryn engizýde jáne qoǵamdyq mańyzy bar is-sharalarǵa bas demeýshilikte «Úzdik uiym» nominatsiiasy boiynsha «Qazfosfat» JShS jeńimpaz atandy, uiym basshysy Muqash Iskandirov marapattaldy.
«Qazfosfat» JShS jyl saiyn jastarǵa, kóp balaly otbasylarǵa, múgedekterge qarjylai kómek kórsetedi. 2018-2019 jyldar aralyǵynda 46 mln teńgeden astam somaǵa metsenattyq kómek kórsetildi. Taraz qalasynyń «Myńbulaq» shaǵyn aýdanynda, Jambyl aýdanynyń Shaiqoryq aýylynda 26 mln teńgege, oblystyq týberkýlezge qarsy balalar aýrýhanasynda sport alańdary salyndy.
Sondai-aq, 1 mln teńge somasynda 53 kóp balaly otbasyna azyq-túlik sebeti syiǵa tartyldy.
Sonymen qatar, osy nominatsiiada Aidyn Raqymbaev basshylyq jasaityn «BI Group» iri investitsiialyq-qurylys holdingi jeńimpaz atandy.
Holding Túrkistan oblysy, Arys qalasynda 100-den astam qiraǵan úidi qalpyna keltirdi. «BI – Juldyz-ai» áleýmettik jobasy únemi qaiyrymdylyq aktsiialaryn ótkizedi. Osy joba aiasynda naýqas balalarǵa, kóp balaly otbasylarǵa, kómekke muqtaj adamdarǵa turaqty túrde qoldaý kórsetiledi.
Volonterlik qyzmetke belsendi qatysqany úshin «Eren erligi» nominatsiiasy boiynsha syilyq iegerleriniń biri Arman Qasymov.
Arman «Ómirzaq-Servis» munai kompaniiasynda jumys isteidi, belsendi volonter, Atyraý jedel járdem stansasynda 10 jyldan astam ýaqyt boiy volonter bolyp jumys isteidi. Sondai-aq, Arman jyl boiy densaýlyq saqtaý salasyna volonterlerdi tartý úshin, onyń ishinde hospisterge, onkologiialyq dispanserlerge kómek kórsetý úshin «Birgemiz: Saýlyq» jalpyulttyq jobasynyń ambassadory bolady. Joba Eriktiler jylyn ótkizý aiasynda iske asyrylady.
Sondai-aq osy nominatsiiada Pavlodar oblysynyń «Saǵymbai» sharýa qojalyǵy basshysy Saǵynbai Ýabov jeńimpaz atandy.
Saǵynbai mektepte tegin ystyq tamaq uiymdastyrady, mádeni-buqaralyq is-sharalarǵa demeýshilik jasaidy, turǵyn úi salýdy josparlap otyr. Birneshe jyl boiy kásiporyn kóktemgi jáne kúzgi senbilikterdi ótkizýge tehnika bóledi, apatty úiindilerdi tazalaidy jáne joldardy ustaýǵa qarajat bóledi.
Sharýa qojalyǵy 2006 jyly qurylǵan. «Rýhani jańǵyrý» baǵdarlamasyn júzege asyrý aiasynda Túgel batyrdyń jerlengen jerin abattandyrýǵa demeýshilik kómek kórsetti. Qazir aýmaqty qalpyna keltirý, qorshaý jáne abattandyrý jumystary júrgizilýde.
Ár nominatsiia boiynsha «Jomart júrek» syilyǵynyń 10 laýreaty marapattaldy.
Jeńimpazdar baiqaýdyń saitynda ashyq daýys berý qorytyndysy boiynsha anyqtaldy.
