Stepnogorsk qalasyndaǵy «Gorniak» mádeniet úiinde «Ólke tarihy — El tarihy» atty jyljymaly fotokórme ótti.
Ashylý saltanatynda Stepnogorsk qalasynyń mádeniet, tilderdi damytý, dene shynyqtyrý jáne sport bóliminiń basshysy Baian Ermekqyzy Aitpaeva sóz sóiledi. Baian Ermekqyzy óz sózinde usynylǵan fotoqujattar óziniń tarihi qundylyǵy bar ekendigin jáne ár aýdannyń táýelsizdik kezeńindegi áleýmettik-ekonomikalyq damýyn baiandaitynyn atap ótti.
Jyljymaly kórmege Stepnogorsk qalasynyń máslihaty, aýyldyq okrýg ákimderi, bilim berý bólimi, mádeniet, tilderdi damytý, dene shynyqtyrý jáne sport bólimi, qalalyq ólketaný murajaiy, qalalyq qazynashylyq bólimi, túzeý mektebi, balalar mýzykalyq mektebi, balalar shyǵarmashylyq mektebi, «Miras» mádeniet úii, kitaphana júiesi, qalalyq emhana, ortalyq aýrýhana, SEQ, «NATs-Biomedpreparat» JShS, «Qazaqtelekom» AQ, «Bolashaq» mektebi, jergilikti «Prestij» jáne «Novaia» BAQ korrespondentteri, qalalyq mektep oqýshylary jáne muǵalimderi, metep janyndaǵy kadet korpýsynyń oqýshylary, taý-ken tehnikalyq jáne indýstrialdy-tehnikalyq kolledj stýdentteri kelip, tamashalady.
Aita ketsek, bul joba Kókshetaý qalasynda bastalyp, óńirdiń barlyq aýdandaryna estafetamen beriledi. «Ólke tarihy - El tarihy» jobasynyń basty maqsaty – kishi Otanynyń damý tarihyn sipattaityn arhivtik-fotografiialyq qujattardy jáne onyń eldiń damýyndaǵy rólin bilý. Kórmege aýdannyń qurmetti ardagerleri, memlekettik mekemelerdiń basshylary men qyzmetkerleri, muǵalimder jáne aýdan jastary qatysty. Kórmede HIH ǵasyrdyn bastap 1991 jylǵa deiin fotosýretter bar. Is-shara aiaqtalǵannan keiin qatysýshylar jobanyń uiymdastyrýshylaryna alǵys pen tilekterin bildirdi.
