Búgin Iordaniianyń Amman qalasynda ótip jatqan bokstan Olimpiadaǵa irikteý týrniriniń finalyna 4 qazaqstandyq boksshy shyqty, dep habarlaidy "Ult aqparat".
Qazaq boksshylary arasynan 81 keli salmaqta el namysyn qorǵap jatqan otandasymyz Bekzat Nurdáýletov tórtinshi boksshy bolyp finalǵa ótti.
Ol jartylai finalda iordaniialyq Oda Ál Hindavimen qolǵap túiistirip, tóreshilerdiń sheshimimen jeńiske jetti.
Bekzat litsenziialyq týrnirde finalǵa joldama alǵan tórtinshi qazaqstandyq boksshy atanyp otyr. Buǵan deiin Zákir Safiýllin (63 keli), Vasilii Levit (91 keli) jáne Ábilhan Amanqul (75 keli) aqtyq synǵa ótken bolatyn.
Búgin, sondai-aq áielder boksynan Nadejda Riabets (75 keli), Abylaihan Júsipov (69 keli) jáne Serik Temirjanov (57 keli) atalǵan týrnirdiń qola júldegeri atandy.
