Qazaqstan Ulttyq Olimpiada komiteti Olimpiada oiyndaryna qatysatyn sportshylarymyzdyń simvolyn ázirleýge ashyq baiqaý jariialady, dep habarlaidy "Ult aqparat".
Atap aitqanda, «TeamKZ» jazýynyń úlgisin jáne logotiptiń grafikalyq keskinin daiyndaýǵa konkýrs jariialanyp otyr.
Jumystar 21 sáýir - 2 mamyr aralyǵynda qabyldanady. Baiqaýdyń júlde qory 1 million teńgeni quraidy.
Jeńimpazdy anyqtaý úsh kezeńnen turady. Baiqaý jumystarynyń alǵashqy irikteýin UOK komissiiasy ótkizedi. Onyń quramyna Olimpiadalyq komitettiń qyzmetkerleri, sportshylar, jattyqtyrýshylar men dizainer kiredi.
Ekinshi kezeń 4-5 mamyrda Olympic.kz saitynda daýys berý arqyly júrgiziledi. Onda jankúierler úzdik jumystardyń short-tizimin anyqtaýǵa kómektesedi.
Úshinshi kezeń ótetin 6-8 mamyr aralyǵynda iriktelgen jumystar Qazaqstannyń ulttyq komandalarynyń sportshylaryna jáne olimpiadalyq sport túrleri boiynsha ulttyq federatsiialarǵa jiberiletin bolady. Ár komanda men federatsiiadan bir daýys esepteledi. Kóp daýys jinaǵan jumys baiqaý jeńimpazy atanady.
Nátijeler 11 mamyrda www.olympic.kz saitynda jariialanady. Birinshi oryn alǵan jumystyń avtoryna 700 myń teńge beriledi. Sondai-aq 150 myń teńgeniń eki yntalandyrý syilyǵy bar. Baiqaý týraly erejeni Qazaqstan UOK saitynda konkýrstyń arnaiy bóliminde tabýǵa bolady.
«Jazǵy Olimpiada oiyndary biyl, al qysqy Olimpiada oiyndary kelesi jyldyń basynda ótetindigin eskersek, jarystyń mańyzy arta túsedi. Sondyqtan, Ulttyq Olimpiada komiteti barlyq shyǵarmashylyq adamdardy, sondai-aq Qazaqstannyń olimpiadalyq komandasynyń jankúierlerin belsendi qatysýǵa jáne el olimpiadasynyń simvolyn jasaýǵa úles qosýǵa shaqyrady», - delingen UOK saitynda.
