Bokstan Tokio Olimpiadasynyń chempiony reseilik Albert Batyrǵaziev Mańǵystaý oblysynyń ákiminen quttyqtaý aldy, - dep habarlaidy Tengrinews.kz tilshisi "Lada"portalyna silteme jasap.
Sportshynyń ata-anasy 90-jyldary Jańaózende turǵan. Olardyń alǵashqy balalary qazaq jerinde dúniege kelgen. Al bolashaq chempion 1998 jyly 23 maýsymda Daǵystandaǵy Gemetiýbe aýylynda dúniege kelgen.
Oblys ákimi Serikbai Trumov Mańǵystaý jurtshylyǵy atynan olarǵa quttyqtaý joldady.
57 kelige deiingi salmaqta óner kórsetetin Olimpiadanyń altyn júldegeri, Reseidiń tórt dúrkin chempiony kún saiyn joǵary deńgeidegi kezdesýlerge, qabyldaýlarǵa qatysady. Degenmen jumystaǵy úlken júktemege qaramastan, ol mańǵystaýlyqtarǵa jyly quttyqtaýlary úshin alǵys aitty.
Buǵan deiin Jelide Albert Batyrǵaziev barlyq qazaqstandyqqa sálem joldap, óziniń otbasy týraly baiandaǵan video jariialanǵan.
