Aqmolalyq bylǵary qolǵap sheberi, 2018 jylǵy jasósipirimder arasyndaǵy Olimpiada oiyndarynyń kúmis júldegeri Talǵat Sháiken áýesqoilar boksynan kásibi boksqa aýysty. Endi 19 jastaǵy boksshy Qazaqstan atynan sharshy alańǵa shyǵatyn bolady, dep habarlaidy "Ult aqparat".
Vedomstvonyń málimetinshe, boksshy kásibi ringte óner kórsetý úshin MTK Global proýmoýterlik kompaniiasymen kelisimshartqa turǵan.
«Qurmetti dostar, kásibi boksqa aýysqanyma qoldaý bildirgenderińiz úshin shynaiy alǵysymdy bildiremin. Men dúniejúzindegi kóshbasshy MTK GLOBAL menedjerlik kompaniiasymen kelisimshartqa turdym. Enid qazaqstandyqtardy kásibi bokstaǵy jeńisterimmen qýantýǵa tyrysamyn», -dep jazady boksshy Instagram paraqshasynda.
Aita keteiik, Talǵat Sháiken 2019 jyly Qazaqstan halqynyń spartakiadasy sheńberinde eresekter arasyndaǵy ótken respýblikalyq birinshilikte qarsylastaryn aiqyn basymdyqpen tize búktirgen bolatyn.
Ol áýesqoilar arasynda nokaýt sheberi atandy. Qarsylastaryn sharashy alańda talai márte sulatyp saldy. MTK GLOBAL KAZAKHSTAN menedjerlik kompaniiasynyń basshysy Asqar Salyqbaev basylymdardyń birinde jasalǵan kelisimshart uzaq jyldarǵa arnalǵan.
