Bgin QR Aýyl sharýashylyǵy ministrliginde arnaiy baspasóz máslihaty ótip, onda Aqmola oblysyndaǵy epizootikalyq ahýal jaiy keńinen qozǵaldy, dep habarlaidy QazAqparat.
«Olginka aýylynda barlyq mal basy baqylaýǵa alyndy. Mundai oqiǵa 1998 jyly Olginka aýylyna taqaý Nikolaevka eldi ekeninde tirkelgen. Endi 15 kúnnen keiin Olginka aýylyndaǵy karantindy alyp tastaimyz. Biraq baqylaý jalǵasady», - dedi QR AShM Veterinarlyq baqylaý jáne qadaǵalaý komitetiniń tóraǵasy Arman Óteǵulov.
Sondai-aq, sibir jarasy shyqqan ettiń 80 paiyzy joiylǵany belgili boldy.
«Halyq veterinar qyzmetinen jaltarady. Siyr aýyryp turǵan kezde olar tez arada soiyp, etin satyp jiberýge tyrysady. Biz ettiń 80 paiyzyn ala aldyq», - dedi QR DSM Taýarlar men qyzmetterdiń sapasyn jáne qaýipsizdigin baqylaý komiteti Asa qaýipti inspektsiialar men bioqaýipsizdikti epidemiologiialyq qadaǵalaý basqarmasynyń basshysy Záýresh Jumadilova.
Onyń aitýynsha, zaladanǵan etti satyp alǵan adamdardyń ózge de adamdarmen bailanysy bolýyna orai qajetti jumystar júrgizilip jatyr. Mundai jumystar Olginka, Nikolaevka jáne Arshaly eldi mekenderinde qolǵa alynady.
«Adamdarda ózgeris bolǵan jaǵdaida aýrýhanaǵa jatqyzylady. Qazirgi ýaqytta bailanysy bolǵan adamdardyń arasynda aýrýdyń jańa derekteri anyqtalǵan joq. Zalaldanǵan ettiń shamamen 20 paiyzy jelingen. Jalpy 144 keli et alyp, joidyq, shamamen 10 keli etti asyp jegen», - dedi ol.
Eske salaiyq, 16 tamyzda Aqmola oblysynyń Arshaly aýdanyna qarasty Olginka aýylynda túinemege qatysty karantin jariialandy. 5 turǵyn aýrýhanaǵa jatqyzylyp, qazir synamalar zerttelip jatyr. Aýrýhanada jatqandardyń jaǵdaiy turaqty. Olginka aýylynda úi janýarlary arasynda túineme belgisi anyqtalǵan joq.
