Búgin Úkimet otyrysynda QR Bilim jáne ǵylym ministri Ashat Aimaǵambetov oqýshylar jańa oqý jylynda qandai formatta bilim alatynyn aitty, dep habarlaidy "Ult aqparat".
«Jumyskerlerdiń vaktsina alýy da erekshe mańyzǵa ie bolyp, bul jumys ary qarai jalǵastyrylady. Buǵan qosa mektepterde qosymsha aýysymdar uiymdastyrylyp, úzilister ýaqytyn ár ýaqytqa belgilep, «1 synyp - 1 kabinet» júiesi jumys jasaidy. Barlyq buqaralyq is-sharalarǵa tyiym salynady», - dedi Ashat Aimaǵambetov.
Onyń atap ótýinshe, joǵaryda atalǵan shekteýlerdi saqtai otyryp, balabaqshalardaǵy 20-25 baladan aspaityn toptarǵa shtattyq rejimde jumys isteý usynylady.
Óz kezeginde, mektepter barlyq 1 men 11-synyp oqýshysyna qatań sanitarlyq shekteýlerdi saqtai otyryp, oqytýdy dástúrli formatta júrgizý, kolledjder men joǵary oqý oryndarynyń stýdentterin de dástúrli formatta oqytý usynylady.
«Árine, ata-analary nemese ózderi koronavirýspen aýyratyn jáne densaýlyǵy boiynsha táýekel toptarǵa jatatyn bilim alýshylarǵa ýaqytsha qashyqtan oqytý formatymen bilim alýdy uiymdastyramyz», - dedi ministr.
Ministr oqýshylardyń qaýipsizdigin qamtamasyz etý jáne densaýyǵyn saqtaý úshin arnaiy sanitarlyq sharalar qabyldanǵanyn aitty.
Barlyq mektep, kolledjder men ýniversitetterde qyzmetkerler men bilim alýshylar maska kiiýge mindetteledi. Sondai-aq bilim berý uiymdarynda kúndelikti termometriia, jeldetý, kvartsteý, dezinfektsiia sharalary ótkiziledi.
Stýdentter, pedagogter men basqa da qyzmetkerler ǵimaratqa Ashyq júiesi arqyly kirgiziledi.
