Ashyq qosymshasy mektepterde qalai qoldanylady? Bul saýalǵa QR Bilim jáne ǵylym ministri Ashat Aimaǵambetov jaýap berdi, dep habarlaidy QazAqparat.
«Ashyq júiesimen qamtamasyz etýge qatysty suraqtar bar. Bul qosymshany mektepte kim qoldanady? Qoldanýshylar: qyzmetkerler, muǵalimder, al balabaqshalarda balany alyp kelýshiler bolýy múmkin. Bul is-shara eń aldymen úlkenderge baǵyttalǵan. Ýniversitetterde stýdentter tekseriledi. Ázirshe oqýshylar jaiynda sóz qozǵap otyrǵanymyz joq. Eresekterdi qamtý qajettigin túsinemiz, ári qarai da nazarda ustaimyz», - dedi Ashat Aimaǵambetov Tengrinews.kz aqparattyq portalyna bergen suhbatynda.
Onyń atap ótýinshe, oqýshynyń, stýdenttiń ata-anasy nemese bilim alýshynyń ózi aýyryp qalsa, onda odan aýrýdyń klinikalyq belgileri men simptomdary baiqalmasa da bilim ordasyna kirgizilmeidi. Al bilim alýshynyń synyptastary nemese stýdenttiń bir toptaǵy kýrstastary tolyqtai qashyqtan oqý formatyna kóshiriledi.
