Foto: bugin.kz
Oqý-aǵartý ministrligi mektepterde oqý jylynyń aiaqtalýy men emtihandardy ótkizý merzimi týraly buiryqtyń jobasyn qoǵamdyq talqylaýǵa shyǵardy, dep habarlaidy Sputnik Qazaqstan.
Qazirgi josparǵa sáikes, 2022-2023 oqý jyly barlyq mektepte 31 mamyrda aiaqtalady. 2-13 maýsym aralyǵynda 9 (10) synyptar úshin qorytyndy emtihandar uiymdastyrylsa, 5-19 maýsym kúnderi 11 (12) synyp oqýshylary memlekettik emtihandaryn tapsyrady.
Buiryq jobasynda qorytyndy attestattaýdyń merzimderi de kórsetilgen.
- 9 (10)-synyp oqýshylary úshin: qazaq/orys tili jáne ózbek/uiǵyr/tájik tilinde bilim beretin mektepter úshin ana tili (oqytý tili) boiynsha esse nysanynda jazbasha emtihan, gýmanitarlyq tsikl pánderin tereńdetip oqytatyn mektep bilim alýshylary úshin jazbasha jumys (maqala, áńgime, esse) – 2023 jylǵy 2 maýsym;
- matematika (algebra) boiynsha jazbasha emtihan (baqylaý jumysy) – 2023 jylǵy 6 maýsym;
- orys/ ózbek/ uiǵyr/ tájik tilinde oqytatyn synyptarda qazaq tili men ádebieti boiynsha jazbasha emtihan (mátinmen jumys, mátin boiynsha tapsyrmalardy oryndaý) jáne qazaq tilinde oqytatyn synyptarda orys tili men ádebieti boiynsha jazbasha emtihan (mátinmen jumys, mátin boiynsha tapsyrmalardy oryndaý) – 2023 jylǵy 9 maýsym;
- tańdaý páni boiynsha jazbasha emtihan (fizika, himiia, biologiia, geografiia, geometriia, Qazaqstan tarihy, dúniejúzi tarihy, ádebiet (oqytý tili boiynsha), shet tili (aǵylshyn/frantsýz/nemis), informatika) – 2023 jylǵy 13 maýsym;
- 11 (12) synyp oqýshylary úshin: qazaq/orys tili boiynsha jáne ózbek/uiǵyr/tájik tilinde bilim beretin mektepter/synyptar úshin ana tili (oqytý tili) boiynsha jazbasha emtihan – 2023 jylǵy 5 maýsym;
- algebra jáne analiz bastamalary boiynsha jazbasha emtihan – 2023 jylǵy 8 maýsym;
- Qazaqstan tarihy boiynsha aýyzsha emtihan – 2023 jylǵy 12 maýsym;
- orys/ózbek/uiǵyr/tájik tilderinde oqytatyn mektepterde/synyptarda qazaq tili men ádebietinen jáne qazaq tilinde oqytatyn mektepterde/synyptarda orys tili men ádebietinen jazbasha emtihan – 2023 jylǵy 15 maýsym;
- tańdaý páni boiynsha jazbasha emtihan (fizika, himiia, biologiia, geografiia, geometriia, dúniejúzilik tarih, quqyq negizderi, ádebiet (oqytý tili boiynsha), shet tili (aǵylshyn/frantsýz/nemis), informatika) – 2023 jylǵy 19 maýsym.
Buiryqtyń jobasy 2 naýryzǵa deiin qoǵamdyq talqylaýdan ótedi. Qujatpen myna jerde tanysýǵa bolady.
Aita keteri, kesheden beri pikir qaldyrǵan adamdar az emes. Kóbisi oqý jylyn 31 mamyrǵa deiin uzartýǵa qarsy. Ata-analar burynǵy 25 mamyrdy qaitarýdy talap etip otyr.
