Almatyda ógei ákesinen taiaq jep, komaǵa túsken kishkene balanyń jaǵdaiy óte aýyr. Bul týraly qalalyq Qoǵamdyq densaýlyq saqtaý basqarmasynyń baspasóz qyzmetinen málimdedi, dep habarlaidy "Ult aqparat".
Mamandardyń aitýynsha, aýrýhanaǵa túskende balanyń basynda aýyr jaraqat bolǵan, sol jaq gemisferasynda sýbdýraldy qan uiyǵan, sýbarahnoidaldy qan ketken, miy isip ketken.
«Miy diffýzdy-aksonaldy jaraqat alǵan. Keýde qýysy organdary jaraqat alǵan. Jumsaq tinderi soǵylǵan. Balada III dárejeli dem jetispeýshiligi bar. III dárejeli travmatikalyq shok, III dárejeli tserebraldy shok baiqalady. Shuǵyl túrde balaǵa ota jasalǵan. Balanyń bas súiegi ashylyp, sýbdýraldy gematoma alynyp tastaldy. Dál qazir bala jasandy tynys alý apparatyna qosylǵan. Jaǵdaiy óte aýyr», - dedi dárigerler.
Jantúrshigerlik oqiǵa týraly budan buryn habarlaǵan bolatynbyz. Politsiiaǵa keshe keshki saǵat 16:00 shamasynda meditsinalyq qyzmetkerler 2 jasar balanyń es-tússiz túskenin aitqan.
Politsiia eń aldymen balanyń 34 jastaǵy ógei ákesinen suraq-jaýap alǵan. Basynda ol bala qulap qaldy degen ýáj aitqan. Keiinnen tergeý materialdarynyń arqasynda uldy ógei ákesi urǵany anyqtaldy. Belgili bolǵandai, balanyń anasy ol kezde jumysta bolǵan. Jylaǵan balany jubata almaǵan ógei ákesi uryp-soqqan.
