Keshe Taldyqorǵandaǵy Biken Rimova atyndaǵy drama teatrynda oblystyń mádeniet maýsymy saltanatty túrde ashyldy. Maýsymnyń ashylýyna Súiinbai atyndaǵy oblystyq filarmoniia, «Alataý áýenderi», «Taldyqorǵan áýenderi» folklorlyq-etnografiialyq ansamblderi jáne birqatar óner ieleri qatysty.
Shara QR eńbek sińirgen qairatkeri Áli Alpysbaevtyń dirijerlyǵymen Muqan Tólebaev atyndaǵy halyq aspaptar orkestri, «Sazgen», «Adyrna» folklorlyq-etnografiialyq ansamblderiniń kúi oryndaýymen ashylyp, drama teatry ujymy daiyndaǵan prologpen jalǵasty.
Maýsymnyń ashylýymen mádeniet salasy qyzmetkerlerin oblys ákimi Amandyq Batalov quttyqtady.
Osy sahnada óńirdegi mádeniet salasynyń qyzmetkerleri, jýrnalister, aqyn-jazýshylar, asabalar qaiyrymdylyq sharasyn atqaryp, oblystaǵy kópbalaly analarǵa 4 úidiń kiltin tabys etti. Jańa qonys ielerine oblys ákiminiń syilyǵy da tartý etildi.
Kerbulaq aýdanynyń turǵyny 5 balanyń anasy Juldyz Sultanbaevaǵa Qazaqstannyń Halyq ártisi Almahan Kenjebekova men Qazaqstannyń eńbek sińirgen qairatkeri Áli Alpysbaev, Qaratal aýdanynan kelgen 4 balanyń anasy Ainur Isaevaǵa «Jetisý» gazetiniń bas redaktory Ámire Árin men jas jazýshy Esbolat Aidabosyn, Aqsý aýdanynan kelgen kópbalaly ana Tolqyn Jatqanbaevaǵa asbalar Erdáýlet Kenjequlov jáne Qairat Qazkenuly, Tekeli qalasynan kelgen 6 balanyń anasy Maqai Qalimanǵa «Taldyqorǵan» gazetiniń bas redaktory Daniiar Seisenbaev pen «Jetisý shuǵylasy» gazetiniń bas redaktory Janahmet Isabekov páter kiltterin saltanatty túrde tabystady.
Shara mádeniet ujymdarynyń kontsertimen jalǵasty.
