Osy jyldyń kúzinde Niý-Iorktegi áigili «Madison Square Garden» alańynda ánshi Dimash Qudaibergenniń shoý-kontserti ótedi. Bul týraly Mádeniet jáne sport ministri Arystanbek Muhamediuly málim etti, dep habarlaidy QazAqparat tilshisi.
Qazaqstandyq mádeniet pen ónerdi tanytýda Dimash Qudaibergenniń orasan zor jetistikteri barsha halyqty qýantady. Ministr bir sózinde Dimashtyń jeke kontsertin AQSh qalalarynda ótkizý týraly aityp qalǵan edi. Bul qanshalyqty múmkin? Kelissózder bastaldy ma? Dimashtyń álemdik týrne aiasyndaǵy kelesi kontserti týraly Arystanbek Muhamediuly ne aitady? Mádeniet jáne sport ministri osy suraqtarǵa jaýap berdi.
Arystanbek Muhamediuly Dimashtyń álemdegi jankúierleri artyp kele jatqanyn atap ótti.
«Iá, rasynda da Dimash Qudaibergen álemdi óz ónerimen tamsandyryp, tyńdarmandardyń júregin jaýlap aldy. 2018 jyldyń 19 qarashasynda ministrlik Londonnyń «Indigo at the O2» eń úlken sahnasynda Dimashtyń jeke kontsertin uiymdastyrdy. Sonymen qatar, Mádeniet jáne sport ministrligi 2019 jyldyń III toqsanynda Niý-Iorkte álemge áigili «Madison Square Garden» alańynda Dimash Qudaibergenniń airyqsha shoý-kontsertin ótkizbek. Búgingi tańda atalǵan shoýdy uiymdastyrý jumystary bastalyp ketti», - deidi ministr.
