Seisenbi kúni Niý-Iork birjasy jumysyn bastady. Bul týraly BBC agenttigi habarlady.
Seisenbi kúni eki ailyq úzilisten keiin Niý-Iork qor birjasy (NYSE) jumysyn qaita bastady. Saýda-sattyqtyń bastalýyn bildiretin qońyraý batyrmasyn Niý-Iork shtatynyń gýbernatory Endriý Kýomo basty. Bul rette treiderler kóptegen jańa erejeni saqtaýy kerek.
Jumysqa treiderlerdiń tek tórtten bir bóligi ǵana orala alady. Olar birjaǵa jetý úshin qoǵamdyq kólikti paidalanbaýy tiis, maska kiip, áleýmettik qashyqtyq normalaryn saqtaýy kerek. Ǵimaratta sondai-aq, adamdardy bóletin ekrandar ornatylǵan. Budan basqa, birjada jumys isteitinderdiń barlyǵynyń kirý kezinde dene qyzýy ólshenetin bolady.
Sondai-aq, Dúniejúzilik densaýlyq saqtaý uiymy (DDU) karantindik sharalardy tym jyldam alyp tastaý, tipti Covid-19 jaǵdailarynyń sany turaqty túrde azaiǵan elderde de aýrýdyń qaita órshýine alyp kelýi múmkin ekenin taǵy eskertti.
DDU Tótenshe jaǵdailar jónindegi baǵdarlamalar jetekshisi Maik Raiannyń aitýynsha, birneshe aidan keiin álem virýstyń ekinshi sharyqtaý shegin kórýi múmkin.
Sońǵy aptada kóptegen batys elderi, eń aldymen Eýropa karantindik sharalardy álsirete bastady. AQSh-ta keibir shtattary da solai jasaýda.
