Májilis spikeri Nurlan Nyǵmatýlin men Resei Federaldyq jinalysy Memlekettik Dýmasynyń tóraǵasy Viacheslav Volodinmen kezdesti, dep habarlaidy "Ult aqparat" Májilistiń baspasóz qyzmetine silteme jasap.
Taraptar parlamentaralyq ózara is-qimyldyń, sondai-aq, erteń Nur-Sultanda bastalatyn Eýraziia elderi parlamentteri spikerleriniń 4-keńesine qatysty mańyzdy máselelerdi talqylady.
Taraptar eki memleket basshylary ózara túsinistik jáne dostyq qatynastaryna negizdelgen birlesken jumys nátijesinde, elderimiz yntymaqtastyqtyń joǵary deńgeige qol jetkizgenin atap ótti. Osy rette V. Volodin Qazaqstannnyń Tuńǵysh Prezidenti Nursultan Nazarbaevtyń Reseimen qatynasty nyǵaitýdaǵy jáne eýraziialyq yntymaqtastyqty keńeitýdegi zor róline toqtaldy.
N. Nyǵmatýlin men Volodin parlamentaralyq yqpaldastyqtyń da joǵary deńgeiin atap ótti.
«Úlken Eýraziia: Dialog. Senim. Seriktestik» dep atalatyn Eýraziia elderi parlamentteri spikerleriniń 4-shi keńesi josparlaryn talqylai kelip, barlyq sharalar qatysýshy elderge jan-jaqty tiimdi jáne paidaly pikir almasýǵa múmkindik beretinine toqtaldy. Májilis tóraǵasy atap ótkendei, atalǵan bedeldi forýmdy ótkizý bizdiń elderimizdiń parlamentaralyq qarym-qatynasynyń joǵary deńgeide ekeniniń naqty kórsetkishi.
Qazaqstanda alǵash ret ótkeli otyrǵan bedeldi forýmǵa 65 eldiń ókilderi men 14 halyqaralyq uiym músheleri keldi.
