Senator Nurtóre Júsip óziniń depýtattyq saýalynda jol qaýipsizdigi máselesin kóterdi, dep habarlaidy "Ult aqparat".
Depýtattyń aitýynsha, elektrosamokattar, samokattar men giroskýterler tek olardyń ieleriniń ǵana emes, jaiaý júrginshilerdiń de ómiri men densaýlyǵyna eleýli qaýip tóndiredi.
Resmi derekter boiynsha, aǵymdaǵy jyldyń 8 aiynda osyndai qozǵalys quraldarynyń qatysýymen 387 jaǵdai tirkelgen, nátijesinde 25 adam qaza tapqan, al 411 azamat jaraqat alǵan.
«Elektrsamokattardy ákelýdi jáne qaýipsiz paidalanýdy quqyqtyq retteý qajet dep bilemiz. Sizden joǵaryda atalǵan qurylǵylardy jikteý jáne zańnamalyq aktilerge tiisti túzetýler engizý máselesin tezdetip pysyqtaýdy suraimyn. Eýraziialyq ekonomikalyq odaqtyń salalyq tehnikalyq reglamentteriniń normalaryn eskere otyryp, kedendik baqylaýdy júzege asyrý sheńberinde reglamentter men standarttardyń talaptaryna sáikes kelmeitin qurylǵylardyń shetten ákelýin shekteý boiynsha sharalar qabyldaý mańyzdy», - dedi Nurtóre Júsip QR Premer-Ministriniń Orynbasary Roman Skliarǵa joldaǵan depýttatyq saýalynda.
