Qazaqstannyń eńbek sińirgen qairatkeri, jýrnalist, Parlament Senatynyń depýtaty Nurtóre Júsip Prezidenttiń búgingi Joldaýyna qatysty pikirin bildirdi, dep habarlaidy "Ult aqparat".
«Qazaqstan Respýblikasy Prezidenti Qasym-Jomart Toqaev biylǵy Joldaýynda mádeniet salasyna erekshe kóńil bóldi. Mádeniet, onyń ishinde Kitaphana mamandarynyń jalaqysyn 2022-2025 jyldary aralyǵynda ár jyly 20%-ǵa kóterý týraly naqty usynystar jasady.
Qazaqqa sanaly da sapaly urpaq kerek! Osy oraida Memleket basshynyń kitaphana isine airyqsha mán berip, qoldaý kórsetýi - keleshek úshin jasalǵan úlken igilik!
Kitaphanashylar mártebesin kóterý - bilimdi urpaqqa jol ashý! Bizdiń birneshe márte osy másele týraly joldaǵan depýtattyq saýalymyz aiaqsyz qalmady. Prezidenttiń óz Joldaýynda tikelei qoldaý bildirýin jaqsy jańalyqqa balap otyrǵan jaiymyz bar!» - dep jazdy ol óziniń Facebook paraqshasynda.
