Nursultan Nazarbaev kórnekti ádebiettanýshy, synshy, filologiia ǵylymynyń doktory, Ulttyq ǵylym akademiiasynyń akademigi Serik Smaiyluly Qirabaevtyń dúnieden ótýine bailanysty marqumnyń otbasy men týǵan-týystaryna kóńil aitty, - dep habarlaidy "Ult aqparat" Elbasy.kz saityna silteme jasap.
"Sanaly ǵumyryn basy bútin ǵylymi-pedagogikalyq qyzmetke arnaǵan Serik Smaiyluly otandyq ádebiettaný salasyn damytýǵa qomaqty úlesin qosqan iri ǵalym. Ol ótken ǵasyrdyń elýinshi jyldarynan bastap orta mektepke arnalǵan oqýlyqtar men oqý baǵdarlamalaryn jazý jáne jetildirý isine aianbai atsalysqan zor parasat iesi, ulaǵatty ustaz edi.
Únemi azamattyq aiqyn ustanymyn tanytyp, qajyrly qairatkerligimen elimizdiń ósip-órkendeýine atsalysyp, kóptiń syi-qurmetine bólendi, sońyna kóptegen mándi ǵylymi zertteýleri men izbasar shákirtterin qaldyrdy", - delingen jedelhatta.
Elbasy Serik Smaiylulynyń ǵibratty ǵumyry men jarqyn beinesi jurtshylyq jadynda árdaiym saqtalatynyna senim bildirdi.
