Nurbaqyt Teńizbaevqa resmi túrde Beijiń Olimpiadasynyń kúmis júldesi berildi, dep habarlaidy Ult.kz tilshisi QazAqparat agenttigine silteme jasap.
Bul týraly unitedworldwrestling.org halyqaralyq saitynda jariialandy.
Osydan biraz kún buryn «grek-rim kúresi boiynsha qazaqstandyq balýan Nurbaqyt Teńizbaevqa 2008 jyly Beijiń Olimpiadasynyń kúmis júldesi berilýi múmkin» dep barlyq aqparat quraldary súiinshilep jazdy.
Alaida, balýannyń ózi bul máselege bailanysty: «Qurmetti dostar! Beijiń Olimpiadasy men úshin sporttyq mansabymnyń shyńy boldy. Árbir sportshy Olimpiada oiyndarynyń jeńimpazy nemese júldegeri bolǵysy keletini anyq. Sportta uzaq ýaqyt júrip, eshqashan jeńildiń astymen aýyrdyń ústimen júrgendi qoldamaitynmyn jáne qoldamaimyn da. Qandai medal bolsyn, ony kilem ústinde jeńip alǵandy qoldaimyn. Dál sol kúni, meni Ázerbaijan balýany Vitalii Ragimov utqan bolatyn, Vitaliidi talantty da myqty balýan retinde tanimyn. Sol kúni úshinshi oryn ielený meniń mańdaiyma jazylǵan bolar, maǵan ózimniń utqan qola medalym asa qymbat. Kúmis Vitaliige jáne onyń januiasyna tiesili. Ol medaldyń artynda kóptegen adamnyń eńbegi jatyr. Kúmis sol eńbektiń jemisi dep oilaimyn! Sizderdiń jyly lebiz jáne qoldaýlaryńyzǵa úlken alǵys aitamyn», - dep málimdegen bolatyn.
Biraq, Teńizbaevtyń qarsylasy Vitalii doping qoldanǵany úshin medalinen aiyrylyp, esesine HOK onyń júldesin Olimpiadada úshinshi oryn alǵan qazaqstandyq balýannyń enshisine jazdy.
