Nur-Sultan qalasynyń bas memlekettik sanitariialyq dárigeri Sarhat Beisenova turǵyndar arasynda koronavirýs infektsiiasynyń tirkelýiniń tómendeýin eskere otyryp, jańa qaýly jariialady, dep habarlaidy "Ult aqparat".
Jańa qaýly boiynsha buqaralyq is-sharalardy, sondai-aq otbasylyq, eske alý is-sharalaryn, onyń ishinde úide (banketter, úilený toilary, mereitoilar, eske alý jáne t.b.), mitingiler, sherýler, jiyndar ótkizýge salynǵan tyiym kúshinde qalady.
Qyzmeti jańartylmaǵan nysandar: biliard, karaoke, boýling-ortalyqtarǵa, batýttar,kompiýterlik klýbtarǵa, túngi klýbtarǵa, býkmekerlik keńseler men oiyn klýbtaryna, onyń ishinde lotereia utystaryna, jabyq ǵimarattardaǵy oiyn alańdary men attraktsiondarǵa, sporttyq obektilerde ornalasqandardy qospaǵanda, onyń ishinde muzdy jáne rolikti syrǵanaqtarǵa barýǵa da tyiym salynǵan.
Áitse de menshik nysanyna qaramastan barlyq uiymdar, kásiporyndar qyzmetkerleriniń keminde 60%-yn qashyqtyqtan jumys isteý túrine kóshirýge ruqsat berildi. Odan bólek saýda obektilerine, qyzmet kórsetý salasyndaǵy obektilerge, qoǵamdyq kólikke jáne adamdar kóp jinalýy múmkin oryndarǵa dezinfektsiialyq is-sharalardy júrgizý boiynsha jumys kúsheitilmek. Sol sekildi qalalyq qoǵamdyq kóliktiń jumysy shtattyq rejimde jumys kestesin belgilei otyryp uiymdastyrylady. Qalaaralyq, oblysishilik avtobýs pen shaǵyn avtobýs tasymaldarynyń jumysy jandanady. Sondai-aq, jeksenbide S OO-lardyń jumys isteýine ruqsat berildi.
Qaýlynyń tolyq mátinin myna siltemeden oqýǵa bolady.
