Politsiia qyzmetkerleri "Astanalyq" ("Artem") bazarynda jaiaý júrginshini qaǵyp ketken júrgizýshi qamaýǵa alynǵanyn málimdedi, - dep habarlaidy Tengrinews.kz.
"31 qazanda KIA avtokóliginiń 22 jastaǵy júrgizýshisi Ýálihanov kóshesimen kele jatyp, qarsy baǵytqa shyǵyp, ótip bara jatqan eki jaiaý júrginshini qaǵyp ketken. Jol-kólik oqiǵasy saldarynan 60 jastaǵy jaiaý júrginshi oqiǵa ornynda kóz jumdy", - dedi Nur-Sultan qalasy politsiia departamentiniń baspasóz qyzmeti.
Quqyq qorǵaý organdary Qylmystyq kodekstiń 345-baby "Kólik quraldaryn basqaratyn adamdardyń jol júrisi nemese kólik quraldaryn paidalaný qaǵidalaryn buzýy" boiynsha sotqa deiingi tergep-tekserý júrgizedi.
"Kia avtokóliginiń júrgizýshisi Nursultan qalasynyń ÝUI-na qamaldy. Politsiia departamenti júrgizýshilerdi muqiiat bolýǵa jáne jol qozǵalysy erejeleriniń talaptaryn saqtaýǵa shaqyrady", - dep qorytyndylady politsiia.
