Nur-Sultanda júk kóligi men avtobýs soqtyǵysyp, qoǵamdyq kóliktiń 22 jolaýshysy jáne júrgizýshisi zardap shekti. Bul týraly astananyń politsiia departamenti habarlady.
Oqiǵa 23 qyrkúiekte qaladaǵy A-187 kóshesi men Mustafa Kemal Atatúrik dańǵylynyń qiylysynda bolǵan. Politsiia departamentiniń habarlaýynsha, júk kóliginiń júrgizýshisi kólikterdi ótkizbei joldy bógep, keiin avtobýspen soqtyǵysqan.
Jelide taraǵan videoda avtobýstyń aldyńǵy jaǵy synǵany baiqalady. Departament 22 jolaýshyǵa meditsinalyq kómek kórsetilip, úilerine jiberilgen. Al avtobýs júrgizýshisi aýrýhanaǵa jatqyzylǵan. Jol-kólik oqiǵasy boiynsha tergeý bastaldy.
