Nur-Sultanda 23 jastaǵy jigit 22 jastaǵy qyzyn 14-qabattan iterip jibermek bolǵan. Bul áreket janjaldan týyndaǵan. Politsiia qyzmetkerleri qaiǵyly jaǵdaidyń aldyn aldy, - dep habarlaidy Tengrinews.kz tilshisi Rolisia saityna silteme jasap.
Politsiianyń málimetinshe, 22 qańtarda "102"-ge Saraishyq kóshesinde qolynda tapanshasy bar belgisiz adam qyzdy kóp qabatty úidiń 14-qabatyna aparyp, tómenge iterip jiberýge tyrysqany týraly habarlama kelip túsken. Oqiǵa ornyna kelgen patrýldik politsiia polki inspektorlary Darhan Shúkenov pen Darhan Ábdikeev qaiǵyly oqiǵanyń aldyn alyp úlgergen.
"Kúdikti ustalyp, politsiia basqarmasyna jetkizildi. Qyzǵa meditsinalyq jáne psihologiialyq kómek kórsetildi. Tapansha oiynshyq ekeni anyqtaldy. Bul derekke qatysty "Adam óltirýge oqtalý" baby boiynsha sotqa deiingi tergeý amaldary júrgizilip jatyr. Kúdikti Nur-Sultan qalasynyń PD ýaqytsha ustaý izoliatoryna qamaldy", - dedi politsiia ókili.
