Elordanyń «102» nómirine kámelet jasyna tolmaǵandardyń Qonaev kóshesinde teatr kúzetshisin soqqyǵa jyqqany týraly habarlama kelip tústi, dep habarlaidy QazAqparat Nur-Sultan qalasy politsiia departamentine silteme jasap.
Oqiǵanyń mán-jaiyn anyqtaý barysynda 14-16 jastaǵy jasóspirimderdiń saǵat 18:30 shamasynda teatr janyndaǵy alańǵa kelip, skeit tepkeni anyqtaldy.
Teatr kúzetshisi balalardyń janyna kelip, olarǵa eskertý jasaǵan. Jasóspirimder kúzetshiniń sózine qulaq aspai, ony balaǵattap jiberdi.
Sol kezde er adam olardyń biriniń sómkesi men skeitin qolyna alyp, politsiiany shaqyrmaq boldy. Jasóspirimder ony jan-jaqtan soqqyǵa jyqty.
«Esil» aýdandyq politsiia basqarmasynyń qyzmetkerleri oqiǵanyń barlyq qatysýshylaryn politsiia bólimine jetkizdi.
Qazirgi kezde atalǵan fakti boiynsha «Buzaqylyq» faktisi boiynsha qylmystyq is qozǵalǵan. Kámelettik zjasqa tolmaǵandar politsiianyń arnaiy esebine alyndy.
Olardyń ata-anasyna qatysty QR Ákimshilik quqyq buzý kodeksiniń 127-baby boiynsha ákimshilik hattama toltyryldy.
Nur-Sultan qalasynyń politsiia departamenti ata-analardy balalarynyń júris-turysyn qadaǵalap, zańǵa qaishy áreketterdi jasaý úshin artylatyn jaýapkershilikti túsindirý qajettigin eskertedi.
