Nur-Sultanda vaktsinatsiialanǵandar arasynda eki bólmeli páter oinatylady. Páter utysynyń oiynyna 25 maýsym men 31 tamyz aralyǵynda vaktsinanyń birinshi komponentin alǵan 18 jastan asqan qala turǵyndary qatysady, dep habarlaidy "Ult aqparat" ákimdiktiń resmi saityna silteme jasap.
Onyń qorytyndysy qyrkúiek aiynyń basynda jariialanady. Utys oiynyna qatysý avtomatty túrde júrgiziledi, vaktsina alǵandarǵa qujat toltyrý talap etilmeidi. Oǵan qaladaǵy kez kelgen vaktsinatsiia pýnktinde ekpe alǵandar qatysady.
Utys oiynynyń jeńimpazdaryn anyqtaý úshin Birge platformasynda arnaiy randomaizer servisi ornatylǵan, ol júlde ielerin vaktsinatsiiadan ótkenderdiń ID generatsiiasymen tańdaidy.
Ony ázirleýge IT-qaýymdastyq atsalysty. Bul servis QR Densaýlyq saqtaý ministrliginiń aqparattyq júiesimen biriktirilgen.
Al MEGA Silk Way SOO vaktsinatsiia pýnktinde ekpe alǵandar arasynda avtomobil utysy ótedi.
Sonymen qatar, Nur-Sultan qalasynyń ákimdigi apta saiyn tikelei efirde iPhone12 jáne basqa da baǵaly syilyqtardyń utys oiynyn ótkizedi.
Baǵaly syilyqtyń bári demeýshiler esebinen oinatylady.
Utys oiyndary azamattardy vaktsina alýǵa yntalandyrý úshin ótkiziledi.
Sanitarlyq normalar men vaktsinatsiia sizdiń densaýlyǵyńyzdy, ainalańyzdy jáne jaqyndaryńyzdyń densaýlyǵyn qorǵaýǵa múmkindik beredi.
Vaktsinatsiia arqyly ǵana ujymdyq immýnitet qalyptasady.
Ujymdyq immýnitet elorda men turǵyndaryn eshbir shekteýsiz, karantinge deiingi qalypty rejimge qaita oralýǵa múmkindik beredi.
