9 jeltoqsan kúni saǵat 02:42 shamasynda «102» arnasyna Sh. Qudaiberdiuly kóshesinde tóbeles bolyp jatqany týraly habar kelip tústi, dep habarlaidy QazAqparat Nur-Sultan qalalyq Politsiia departamentiniń baspasóz qyzmetine silteme jasap.
Oqiǵaǵa qatysy bar adamdardyń barlyǵy politsiia bólimine jetkizildi. Qoǵamdyq tártipti buzýshylardyń arasyndaǵy tóbeles «Panaehali» barynan shyqqannan keiin bastalǵany anyqtaldy.
Atalmysh fakti boiynsha «Buzaqylyq» baby boiynsha qylmystyq is qozǵaldy. Tergeý júrip jatyr.
Nur-Sultan qalasynyń Politsiia departamenti elorda turǵyndary men qonaqtaryn qoǵamdyq tártipti qatań buzǵany, ainalasyndaǵylarǵa qurmetsizdik bildirgeni úshin qylmystyq jaýapkershilik qarastyrylǵanyn eskertedi.
