Elorda ákimi Altai Kólginov Instagram paraqshasynda «Han Shatyr» SOO-da qala turǵyndaryn KVI-ge qarsy vaktsinatsiialaý pýnkti ashylǵanyn málim etti.
Qalada barlyǵy 55 myńnan asa adam vaktsina aldy, dep habarlaidy Nur-Sultan ákimdiginiń resmi saity .
«Han Shatyr» saýda, oiyn-saýyq ortalyǵynda qala turǵyndaryna koronavirýsqa qarsy vaktsina salý pýnkti ashyldy. Osy demalys kúnderi testilik rejimde SOO ujymy vaktsina alady. Al dúisenbiden bastap (19 sáýir) azamattar da ekpe ala alady. Vaktsinatsiia pýnkti gipermarkettiń janyndaǵy birinshi qabatta ornalasqan. SOO-da vaktsinatsiialaýǵa niet bildirýshilerdi qabyldaý kestesi saǵat 10:00-den 22:00-ge deiin.
Buǵan deiin vaktsinatsiia pýnkti «Mega Silk Way» SOO-da iske qosyldy. Sondai-aq «Keruen», «Abý-Dabi Plaza» saýda, oiyn-saýyq ortalyqtary daiyn. Qajet bolǵan jaǵdaida qaladaǵy qonaqúiler de iske qosylady.
«Búgin emhanalarymyzda bolyp, egý pýnktteriniń jumysyn sapaly uiymdastyrý jóninde birqatar tapsyrmalar berdim. Alǵashqy meditsinalyq-sanitarlyq kómek uiymdarynda vaktsinalaý pýnktteriniń sany 36-dan 100-ge deiin artty. Jumys ýaqyty saǵat 8:00-den 24:00-ge deiin uzartyldy.
Sonymen qatar eńbek ujymdaryn vaktsinamen qamtý úshin kóshpeli meditsinalyq brigadalar quryldy. Qalada barlyǵy 55 myńnan astam adam vaktsina aldy.
Jappai vaktsinatsiialaý arqyly ǵana ujymdyq immýnitetti qalyptastyra alamyz. Bul ózińizdi jáne ainalańyzdaǵy adamdardy qorǵaýǵa, qalypty ómirge oralýǵa múmkindik beredi», — dep jazdy elorda ákimi.
