El astanasynda aýa raiynyń ózgerýi taksi baǵasyna áser etti. Tańerteńnen beri qala turǵyndary áleýmettik jelide taksi baǵasy kóterilip ketkenin jazyp jatyr, dep habarlaidy QazAqparat.
Atalmysh jaǵdaiǵa elordanyń kólik qyzmetkerleri qaýymdastyǵyndaǵy túsinikteme berildi.
«Búginde tutynýshylar taksi qyzmetteriniń 80% - dan astamyn Iandeks, DIDI, Indraiver siiaqty mobildi servister arqyly paidalanady. Iaǵni, taksi qyzmetin tirkeýsiz júzege asyratyn, jeke avtokólik ielerinen alady. Jeke avtokólik ieleri mobildi servisterdiń ózderi belgilegen erejeler men talaptardy saqtaidy. Baǵa mobildi qyzmetter ornatqan algoritmder arqyly jumys isteidi. Demek taksige tapsyrys berý baǵasy, bir shaqyrym jol men «minýttyń quny aǵymdaǵy suranysqa jáne tapsyrysty qabyldaýǵa daiyn jelidegi avtomobilderdiń bolýyna bailanysty koeffitsientterge kóbeitiledi. Jeke avtokólik ieleriniń kóbi aýa raiyna bailanysty taksi qyzmetin kórsetýge daiyn bolmaǵan. Sonyń saldarynan baǵany arttyratyn koefitsent úlkeiedi», - dedi Nur-Cultan qalasy Kólik qyzmetkerleri qaýymdastyǵynyń tóraǵasy Medet Qurmanov.
Onyń aitýynsha, aiazda jáne qarbalas kezeńderde kóbinese osyndai jaǵdai bolady.
«Iá, jeke avtokólik ielerin belgili bir ýaqytta jumys isteýge mindetteý jáne josparlaý múmkin emes. Sondyqtan bul jerde baǵany ósirý olardyń yntasyn arttyrý quraly retinde jumys istep tur. Algoritm suranystyń artýy men shaǵyn jetkizilimge jaýap beredi. Bul jaǵdai taksi tasymalyn uiymdastyrýda sheteldik oiynshylarǵa táýeldi ekenimizdi kórsetedi», - dep sarapshy.
Medet Qurmanov taksi tarifiniń sharyqtaýyna bailanysty qaida shaǵymdanýǵa bolatynyn aitty.
«Astanada taksi tasymalyn uiymdastyrýmen Kólik jáne jol-kólik infraqurylymy basqarmasy ainalysady. Atalǵan memlekettik organǵa barlyq suraqtardy I-Komek arqyly nemese tikelei qoiýǵa bolady. Sondai-aq shaǵymdardy QR Básekelestikti qorǵaý jáne damytý agenttiginiń Nur-Sultan qalasy boiynsha departamentine jiberýge bolady. Al bizdiń qaýymdastyq tek ákimdikte tasymaldaýshy retinde tirkelgen óz músheleriniń arasynda jumys júrgizedi. Bizdiń parkter negizinen naryqtyń 5%-ynan aspaidy. Naryqty damytý jáne servisti arttyrý turǵysynan biz bul jerde usynystarymyzdy qala ákimdigine jiberemiz, ol usynystar árdaiym oryndala bermeidi» - dep túiindedi ol.
