QR Indýstriia jáne infraqurylymdyq damý vitse-ministri Qaiyrbek Óskenbaev kómir baǵasyn qadaǵalaý jóninde aityp berdi, dep habarlaidy QazAqparat.
«2019-2020 jyldary kómirge kommýnaldyq-turmystyq qajettilik 10,4 mln tonna boldy. Ázirge onyń 47% nemese 4,9 mln tonnasy daiyn. Ótken jylmen salystyrǵanda, biyl kómir qymbattamaidy. Biz ony baqylaýda ustap otyrmyz. Onyń baǵasyn apta saiyn Úkimetke jiberip otyramyz», - dedi vitse-ministr Ortalyq kommýnikatsiialar qyzmetinde ótken baspasóz máslihatynda.
Onyń aitýynsha, ázirge Nur-Sultan qalasynda Shubarkól kómiriniń tonnasy – 11 400 teńge, Ekibastuz – 9 500 teńge, Qarajyra – 11 200 - 13 200 teńge aralyǵynda, Maikóben kómiri – 12 500 teńgeden satylýda.
«Eger kómir sapa talaptaryna sai kelmese, ákimdikke júginýge quqyǵyńyz bar. Munymen sapa standarttaryn bekitetin ónerkásip komiteti jáne tehnikalyq retteý komiteti komiteti ainalysady. Sonymen birge, kómir sapasy jóninde telefon arqyly habarlasatyn qoldaý qyzmetin qurý josparlanyp otyr», - dedi Q. Óskenbaev.
