Elordalyqtar qoǵamdyq kólikterde jol júrý aqysyn kaspi.kz qosymshasy arqyly tólei alady. Bul týraly «Astana LRT» JShS baspasóz qyzmeti habarlady.
Nur-Sultan qalasynyń turǵyndary 12 maýsymnan bastap avtobýs jolaqysyn kaspi.kz mobildik qosymshasy arqyly tólei alady.
«Bizdiń jańalyǵymyz bar! 12 maýsymnan bastap qoǵamdyq kólikte jolaqy tóleýdiń taǵy bir júiesi engizildi. Endi kaspi.kz arqyly avtobýsta jolaqysyn tóleýge bolady. Ol úshin kaspi.kz mobildik qosymshasynda avtobýstyń ishindegi kóliktiń kodyn terý kerek», - delingen kompaniianyń habarlamasynda.
Buǵan deiin qoǵamdyq kólik jolaýshylary jolaqysyn 5 túrli ádis boiynsha tóleitin: qolma qol aqshamen tólep, birrettik bilet alý arqyly; transporttyq karta arqyly; SMS arqyly; QR-kod arqyly jáne bank kartasy arqyly mobildik qosymshany paidalaný.
