Feliks atty iti bar kinolog Mámbetov kóshesiniń boiyndaǵy Oqýshylar saraiynyń mańaiynda 2 jasar balany izdep tapty, dep habarlaidy "Ult aqparat" Nur-Sultan qalasy politsiia departamentiniń baspasóz qyzmetine silteme jasap.
Saǵat 21:10 shamasynda balalar attraktsionynyń janynda iti bar politsiia qyzmetkerine jas áiel júgirip kelip, kishkentai ulyn joǵaltyp alǵanyn aitqan.
20 minýt boiy áiel balany óz betinshe izdegen, alaida odan nátije bolmaǵan.
Áieldiń qolynda balanyń oiynshyǵy boldy, sonyń iisimen Feliks balanyń izine tústi.
10 minýttan keiin tóbet izdeý ornynan 300 metr qashyqtyqtan balany taýyp aldy.
Balasymen qaýyshqan ana politseilerge alǵys aitty.
Politsiianyń aitýynsha, 2 jasar Feliks qyzmetin jaqynda bastaǵan.
Bul - onyń birinshi sátti isi. Iisshil tóbet jaqsy jattyqqan, kinologtyń nusqaýlaryn shiraq oryndaidy.
