Elordada ekinshi indýstriialyq park úshin 400 gektar jer telimi bólinedi, dep habarlaidy "Ult aqparat".
Bul týraly elorda ákimi Altai Kólginov Prezident Joldaýyn talqylaý boiynsha qala aktiviniń kezdesýinde málimdedi.
«Memleket basshysy el ekonomikasyn damytý boiynsha birqatar tapsyrma berdi. Nur-Sultan – Qazaqstan ekonomikasyndaǵy kóshbasshy qalalardyń biri. Elordanyń áleýmettik-ekonomikalyq damýyndaǵy negizgi kórsektishterdiń turaqty ósimi baiqalady. Degenmen, artta qalyp qoiǵan kórsetkishtermen de jumys isteý kerek. Alǵashqy toqsanda jalpy óńirlik ónim kólemi 1,2 trillion teńgeni qurady. 7 aidyń qorytyndysy boiynsha, óndiristik ónim kólemi 17,5%, onyń ishinde óńdelgen ónimder - 16% artqan. Sonymen birge, qurylys jumystarynyń kólemi, baspana berý, negizgi kapitalǵa investitsiia tartýda artta qalyp kelemiz. Jyl sońyna deiin osy máselelerdi retteý kerek», - dedi A. Kólginov.
Onyń aitýynsha, «Astana – jańa qala» arnaiy ekonomikalyq aimaǵyn damytý men qolaily biznes ahýal qurý erekshe mańyzdy. №2 indýstriialyq parkti qurý jumystary bastalyp ketti.
«Birinshi park is júzinde toldy. Jaqyn arada ekinshi indýstriialyq parkke 400 gektar jer telimin bólý jóninde ákimdik qaýlysy shyǵady. Onyń orny anyqtalǵan», - dedi ákim.
