Nur-Sultan qalasynyń 63 kásipkeri «Biznestiń jol kartasy-2020» baǵdarlamasy sheńberinde óz biznes-ideialaryn júzege asyrýǵa granttar aldy. Bul týraly "Ult aqparat" elorda ákimdigine silteme jasap habarlaidy.
Qalalyq Investitsiialar jáne kásipkerlikti damytý basqarmasynyń málimetine sáikes, ótken jylmen salystyrǵanda biznes-jobalar 2,6 esege ósken. 2018 jyly grant 24 kásipkerge berilse, biyl olardyń sany 63-ti qurady.
«Granttar óz isin jańadan bastap jatqan 29 jasqa deiingi jas kásipkerlerge, 50 jastan asqan áielder, múgedekterge berildi. Memlekettik qoldaýǵa ie bolǵan kásipkerler negizinen taýar óndirý, bilim beri, kiim tigý, aqparattyq tehnologiialar, baspa isi, ǵylym, sáýlet jáne qyzmet kórsetý salasynda jumys isteitinder», - dedi ákimdikten.
Aita keteiik, shaǵyn jáne orta kásipkerlikti damytýǵa respýblikalyq biýdjetten - 128 mln teńge, sondai-aq Jastar jylyna orai «Biznestiń jol kartasy-2020» baǵdarlamasy boiynsha (29 jasqa deiingi jas kásipkerlerdi qoldaýǵa) qosymsha 75 mln teńge bólindi.
